Ақын, сатирик. «Алтын қалам» әдеби жүлдесінің екі мәрте иегері. 

Ол 1989 жылы 6 қаңтарда дүниеге келген. Павлодар облысы, Ертіс ауданы, Қосағаш ауылындағы 11 жылдық мектепті аяқтаған соң 2007-2011 жылдары Павлодар мемлекеттік педагогикалық институтының филология факультетінде оқыды.   

2011-2019 жылдары облыстық «Сарыарқа самалы» газетінде тілші болып қызмет атқарды. Облыстық газеттегі «Көңілашар» сатриалық айдарының авторы болды. 2019 жылдың аяғынан бүгінге дейін С.Торайғыров атындағы Павлодар облыстық кітапханасының қызметкері болып еңбек етуде. 

2020 жылы «Әріпті сотау» атты тырнақалды сатиралық кітабы жарық көрді. Аталған кітаптың Алғы сөзін Қазақстанның еңбек сіңірген қайраткері, белгілі сықақшы Көпен Әмірбек жазды. 

2007 ж. Алматы қаласында өткен республикалық «Ана тілі сұлтаны» байқауының I орын иегері. 

2018 ж. «Тіл жанашыры» сыйлығының иегері. 

2018 ж. «Қаламды шын беріліп алдым берік» облыстық жас ақындар мүшәйрасының II орын жүлдегері.

2018 ж. «Үздік спорт журналисі» аталымының иегері.

2019 ж. Қостанай облысында өткен «Өзіміздің Би аға» республикалық ақындар мүшәйрасының арнайы жүлдесін жеңіп алды.  

2019 ж. «Рух жаңғырығы» атты аймақаралық ақындар мүшәйрасының          III орын иегері. 

2020 ж. Пандемияға қарсы халықты жігерлендіруге арналған облыстық онлайн мүшәйраның I орын иегері.

Иса Байзақовтың туғанына 120 жыл толуына орай өткен «Жыр дүлділі» мүшәйрасының II орын иегері.

2020 ж. Қадыр Тайшықов атындағы республикалық сатиралық шығармалар байқауының жеңімпазы. 

2020 ж. Әбу Наср Әл-Фарабидің туғанына 1150 жыл толуына орай Ақтөбе облысында өткен республикалық «Үздік әлеуметтік пост» онлайн байқауына жазған өлеңі жүлделі II орынды иеленді.

2020 жылы қазақтың Халық ақыны - Жұбан Молдағалиевтың туғанына 100 жыл толуына орай Орал қаласында өткен республикалық «Қиял қанаты» байқауының бас жүлде иегері. 

2020 жылы «ДАРАБОЗ» балалар әдебиеті аталымы бойынша және сатира жанры бойынша «Алтын қалам» әдеби сыйлығының иегері.

Шығармалар

Әбділұлы А. Әріпті соттау. – Павлодар. – «ЖК Сытин А.А.»,  2020. – 138 б.