1952 жылы 15 қазанда Павлодар облысы, Ертіс ауданы, «Үлгілі» ұжымшарында туған. 1979 жылы ҚазМУ-дің журналистика факультетін бітірді. Павлодар облыстық «Қызыл ту» (қазіргі «Сарыарқа самалы») газетінде қызмет еткен. 1991-1995 жылдары республикалық «Халық кеңесі» газетінің Павлодар облысы бойынша меншікті тілшісі болды. Қазір Павлодар қалалық «Шаһар» газетінің редакторы. Алғашқы әңгімелері 1980 жылы «Арман қанатында» жинағында жарық көрген.

1984 жылы «Трактор қалай жасалады?» деген кітапшасы шықты. 1986 жылы «Ала көжек» повесі «Жалын» баспасының жабық бәйгесінде үшінші сыйлыққа ие болды. «Жалғас - жауынгердің баласы», «Кең аулалы үйденбіз» повестері 1992 жылы жинақ болып шыққан.

2003 жылы «Қазақстан - қара шаңырағым» атты республикалық мүшәйраның бірінші жүлдесін жеңіп алған. Балаларға арналған «Біз - 42 әріппіз» (2003) және «Жеңіс жалауын желбіреткен» (2005) жыр жинақтары жарық көрген. 2006 жылы «Ана өсиеті» эссе кітабы, «Сағыныш сазы» атты жыр жинағы, 2007 жылы «Кемелді елдің Кемері» атты деректі повесі, 2008 жылы «Мәшһүр тағлымы» публицистикалық кітабы, «Сары белең» повестер мен әңгімелер жинағы шыққан.

Әдебиеттер:

Жұматов Ғалымбек. Ала көжек: повестер. - Алматы: Балауса, 1992. - 128 б.
Жұматов Ғалымбек. Жеңіс жалауын желбіреткен. - Павлодар: ЭКО, 2005. - 44 б.
Жұматов Ғалымбек. Астанам әсем-асқақ ән / Жұматов Ғалымбек; Н. Дүкенбай. - Павлодар: ЭКО, 2008. - 48 б.
Жұматов Ғалымбек.  Сағыныш сазы: өлеңдер. - Павлодар: ЭКО, 2006. - 134 б.
Жұматов Ғалымбек. Кемелді елдің Кемері. - Павлодар: ЭКО, 2007. - 268 б.
Жұматов Ғалымбек. Мәшһүр тағлымы: елге танылған есімдер.-Павлодар: ЭКО, 2008. - 293 б.
Жұматов Ғалымбек // Қазақстан жазушылары: анықтамалық  / құраст.: Қ.Саят, Қ.Жұмашева. - Алматы, 2009. - 174-175 б.