Ертістің Павлодар өңірінің әдеби картасы - С. Торайғыров атындағы Павлодар облыстық әмбебап ғылыми кітапханасының инновациялық жобасы, ол қазіргі жаңа ақпараттық технологияны пайдалануға негізделген.

ЖОБАНЫҢ НЕГІЗГІ МАҚСАТЫ:

● Ертістің Павлодар өңірінің әдеби өмірінің жан-жақты ақпараттық ресурсын құруға арналған.

● Біздің атақты жерлестеріміз қалдырып кеткен тарихқа, мәдениетке және әдеби мұраға, әдеби білімге, оқуға деген жұртшылықтың қызығушылығын арттыру.

● Павлодар өлкесінің рухани құндылықтарына тарту, отансүйгіштікке және «кіші» Отанға деген сүйіспеншілікке тәрбиелеу.

Павлодар өңірінің бұрынғы және қазіргі кезеңдегі тарихы мен әдебиеті бай. Біздің өлкеміз көптеген әйгілі ақындар мен жазушылардың өмірімен байланысты, олар қазақ және орыс әдебиеттерінің дамуына зор ықпал жасады.

Бұл жоба С. Торайғыров атындағы Павлодар облыстық әмбебап ғылыми кітапханасының сайтына енгізілген электронды энциклопедиялық ресурстар негізінде жасалынды. Жоба кітапхана үшін тұрақты толықтырылатын ақпараттық электронды ресурстарға ашық қол жеткізу арқылы ақпаратқа жаңа мүмкіндіктерді ашады. Жобаны жасау кезінде банк мәліметтері С.Торайғыров атындағы ПОӘҒК-ның құжаттары негізінде, оның ішінде, ғылыми басылымдар, өлкетану зерттеулері, библиографиялық материалдар, өлкенің әдеби өмірінің библиографиясы, фотосуреттер, иллюстрациялар, Павлодарлық ақындар мен жазушылардың шығармашылығы туралы, оларға арналған мұражайлар мен елді мекендер жайлы материалдар пайдалынды.

Энциклопедиялық ресурс бірнеше бөлімнен тұрады, соның ішінде - ескерткіш жерлер, есімдер тізімі, әдеби бірлестіктері, оқу залы (осында әйгілі жерлестеріміздің шығармаларының үзінділерімен танысуға болады), географиялық көрсеткіш (мұнда ақын-жыраулар мен жазушыларға байланысты аудандар мен қалалардың тізімдері бар). «Павлодар облысы жайлы» айдар айқындалған, бұған басқанда, облыс тарихы жайлы, табиғи байлығы және көрнекті жерлері туралы ақпараттар алуға болады.

Құрастырушылар: бөлім меңгерушісі - Г.Е. Иванова, Б.Ж. Санатова.

Дизайн және бағдарламалық қамтамасыз ету - С.А. Гуринов., Б.Н. Хамза